Details

Benteng Bigas, Meron na sa Davao Oriental

July 21, 2025 - Isang makabuluhang hakbang tungo sa abot-kayang bigas para sa bawat Pilipino ang isinakatuparan sa Mati City, Davao Oriental, sa pamamagitan ng Benteng Bigas Meron (BBM) Na Program.

Pinangunahan ng Department of Labor and Employment (DOLE) Davao Oriental, katuwang ang National Food Authority (NFA) Davao Oriental Branch Office at ang ER Superstore, matagumpay na naipamahagi ang kabuuang 73 sako ng bigas sa 365 minimum wage earners mula sa nasabing establisyemento.

Details

 

NFA, NAGLUNSAD NG MODERNONG RICE PROCESSING CENTER SA RIZAL OCCIDENTAL MINDORO

Hulyo 23, 2025 – Pormal nang sinimulan ang pagtatayo ng isang modernong Rice Processing Center ng National Food Authority (NFA) Region IV sa Sto. Niño, Rizal, Occidental Mindoro, sa pamamagitan ng isang groundbreaking ceremony ngayong araw. Itinuturing itong malaking hakbang sa modernisasyon ng impraistraktura ng NFA sa rehiyon, bilang bahagi ng programang Masagana Agri-Food Infrastructure Modernization (MAFIM) ng pamahalaan.

Details
𝐏𝐫𝐞𝐬𝐢𝐝𝐞𝐧𝐭 𝐌𝐚𝐫𝐜𝐨𝐬 𝐧𝐚𝐠𝐥𝐚𝐚𝐧 𝐧𝐠 𝐏𝟏𝟖𝐁 𝐮𝐩𝐚𝐧𝐠 𝐩𝐚𝐥𝐚𝐰𝐚𝐤𝐢𝐧 𝐚𝐧𝐠 𝐏𝟐𝟎 𝐫𝐢𝐜𝐞 𝐩𝐫𝐨𝐠𝐫𝐚𝐦 - 𝐃𝐀 𝐂𝐡𝐢𝐞𝐟
 
 
Inihayag ni Agriculture Secretary Francisco P. Tiu Laurel Jr. nitong martes na naglaan si Pangulong Ferdinand Marcos Jr. ng P18 billion upang palawakin ang inisyatiba ng gobyerno na "Benteng Bigas Meron Na!" at mapakinabangan ng hanggang 60 milyong Pilipino ang P20-per-kilo ng bigas.
 
Sa kanyang mensahe sa post-State of the Nation Address forum sa San Juan City, ipinaliwanag nito na tinatayang walong bilyong piso mula sa alokasyon ang gagamitin sa reserbang bigas na pinangangasiwaan ng National Food Authority. Ang natirang P10 billion ay nakalaan para sa pagbili ng palay mula sa mga lokal na magsasaka sa susunod na taon upang masustini ang P20-per-kilo rice program at mapalawak ang serbisyo hanggang sa middle-income na pamilya.
"Kailangan tumulong ang gobyerno para mapagaan ang buhay kahit konti," ani Secretary Tiu Laurel. "At kung may murang bigas ka, may sapat ka pang pera upang bumili ng gatas para sa mga bata o kaya ulam para mas maganda ang salo-salo ng pamilya araw-araw."
 
Ang budget para sa rice program ay hiwalay mula sa P9 billion para pambili ng palay na budget ng NFA sa 2026 sa ilalim ng isusumiteng proposed General Appropriations Act para sa susunod na taon.
Sinabi ni Tiu Laurel na napakahalaga nito upang maibsan ang gastusin ng mga pamilyang hirap pagkasyahin ang budget dahil sa tumataas na presyo ng mga bilihin. Upang masigurong mapanatili ito, iminungkahi ng Department of Agriculture ang two-tier pricing structure para sa NFA: pagbebenta ng 80 percent ng stocks ng hanggang P42 per kilo, at ang kita ay gagamitin para i-subsidiya ang P20/kilo rice para sa mga kuwalipikadong tatanggap.
Gayonman, binigyang-diin nito na ang ganap na implementasyon ng modelo ay mangangailangan ng pag-amiyenda sa Rice Tariffication Law upang mapalakas ang kapangyarihan ng DA sa pag-regulate sa importasyon ng bigas, lalo na sa panahon ng anihan,at ang pagpapanumbalik sa kapangyarihan ng NFA na makialam sa local market, kabilang na ang paglisensiya sa rice retailers at direktang pagbebenta ng bigas sa publiko.
Isinumite na ni House Speaker Martin Romualdez ang House Bill no. 1 na kilala bilang Rice Act, na naglalayong mapalakas ang DA at NFA upang mas maayos na mapangasiwaan ang industriya ng bigas gayondin ang pag-otorisa sa DA na magtakda ng minimum floor price sa palay upang mabantayan ang kita ng mga magsasaka.
 
Muling inulit ni Secretary Laurel ang babala ni Pangulong Marcos laban sa mga trader na magsasamantala sa Rice program: Kung may malulugi man dito sa P20 rice program, dapat gobyerno lang hindi ang magsasaka."
Binigyang-diin nito na may katapat na mabigat na parusa laban sa mga magsasamantalang negosyante na mangbabarat sa palay ng mga magsasaka at maituturing itong economic sabotage.
Ayon sa DA, ang P20 rice program ay kumakatawan lamang sa 15 porsiyento ng local rice production, na ang ibig sabihin ay malayong maapektuhan ang presyo ng palay o ang kita ng mga magsasaka. Magkagayonman, ang mga polisiya ay masusing dinisenyo upang masiguro ang kapakanan ng mga producer habang pinapagaan ang pasanin ng mga consumer.
 
Inatasan ni Pangulong Marcos ang DA na panatilihin ang programa hanggang sa pagtatapos ng kanyang termino sa 2028 na magiging hudyat ng pangmatagalang commitment. Kinumpirma ni Tiu Laurel na nakikipag-ugnayan na ang departamento sa logistics, storage providers at local government units upang mapabilis ang distribusyon at mabawasan ang leakages.
 
Inaasahan din sa expansion ang mas maigting na transparency : isasapubliko ng DA ang taunang report sa pagbili ng palay, sakop ng distribusyon at subsidy disbursement. Ang monitoring mechanisms - kabilang na ang digital tracking at community feedback channels - ay makakatulong upang masigurong ang programa ay mananatiling may pananagutan sa taxpayers at mga benepisyaryo.
Sa pamamagitan ng targeted subsidies, legal na mga reporma ,at operational safeguards, umaasa ang administrasyon na mabalanse ang pamimigay ng agarang tulong sa mga mahihirap na pamilya at mapanatili ang malusog at patas na agricultural ecosystem sa hinaharap.
Details

BENTENG BIGAS, MERON NA SA BASILAN! DUMATING NA ANG MATAGAL NANG INAASAM NA P20 RICE PROJECT PARA SA MGA MINIMUM WAGE EARNERS NG BASILAN!

Itinalaga ang NFA Basilan Branch Office bilang pangunahing ahensyang maglalaan ng bigas para sa implementasyon ng programang ito na naglalayong magbigay ng abot-kayang bigas sa mga manggagawang kumikita ng minimum na sahod.

Details
 
 
 
 NFA RICE ISSUANCES PARA SA MGA NAAPEKTUHAN NG BAGYO, HABAGAT
 
Ang National Food Authority ay nakapaglabas na ng 45,268 bags ng NFA rice simula ng tumama ang bagyong #CrisingPH at Habagat, at nanalanta ang mga bagyong #DantePH at #EmongPH sa ibat ibang panig ng bansa.
Ayon kay NFA Administrator Larry R. Lacson, ang mga bodega ng NFA ay bukas at patuloy ang operasyon upang tugunan ang mga rice requests ng ibat ibang sangay ng pamahalaan.
 
"Kahit bumabagyo tuloy ang ating serbisyo, upang mabilis na maihatid ang tulong sa mga naapektuhan nating kababayan ayon na rin sa utos ng ating Mahal na Pangulong Marcos", ani Administrator Lacson.
 
Sa kasagsagan ng bagyo ay personal na binisita ni Lacson ang iba't-ibang sangay ng NFA upang inspeksyunin ang mga bodega at makita ang paglalabas ng bigas para sa mga rice relief agencies tulad ng Department of Social Welfare and Development (DSWD), Office of Civil Defense (OCD), Local Government Units (LGUs) at iba pang sangay ng pamahalaan.
 
Ayon kay Lacson, may mga ilang bodegang binaha at may mga napaulat na rin na nagkaroon ng sira tulad ng opisina at bodega sa Alaminos, Pangasinan at San Juan, La Union.
 
"Hinihiling ko rin sa mga kawani ng NFA, lalo na yun ating mga frontliners na nasa Operation Centers (OpCen) na pag-ibayuhin ang pag-iingat habang ginagampanan ang kanilang tungkulin. Maraming salamat sa inyong tapat na pagseserbisyo," sabi pa ni Lacson
.
Nagsasagawa ng mga pakikipagpulong ang mga opisyal ng NFA sa mga ahensya ng pamahalaan na namamahala sa pamamahagi ng relief goods upang higit pang mapagbuti at mapabilis ang paghahatid ng tulong sa mga nasalanta.
Para sa pakikipag-ugnayan, tumawag sa NFA Hotline 0917-113-9347.
Details

Benteng Bigas, Umarangkada Na sa Davao del Norte!

Sa pakikipagtulungan ng Department of Labor and Employment (DOLE) XI at ng DA-Food Terminal Inc., opisyal na inilunsad noong Hulyo 21, 2025, sa mga lalawigan ng Davao del Norte at Davao de Oro ang programang Benteng Bigas, Meron Na.

Transparency Seal Page
Corporate Governance
Freedom Of Information Portal
Gender and Development
NFA Whistleblowing Policy
Divider
Citizen's Charter
Divider (2)

Related Links

International Rice Research Institute
Governance Commission for GOCCs
GCG Whistleblowing Policy
Back to Top